相應部41相應9經/裸行者迦葉經(質多相應/處篇/弟子記說)(莊春江譯)[SA.573]
當時，
屋主質多以前在家的朋友裸行者迦葉抵達麻七迦三達。
屋主質多聽聞：「我們以前在家的朋友裸行者迦葉抵達麻七迦三達。」
那時，屋主質多去見裸行者迦葉。抵達後，與裸行者迦葉一起互相問候。交換應該被互相問候的友好交談後，在一旁坐下。在一旁坐下的屋主質多對裸行者迦葉說這個：
「
大德迦葉！已出家多久呢？」
「屋主！我已出家三十年。」
「大德！那麼，經這三十年，你有任何
足以為聖者智見特質的
過人法、
安樂住被到達嗎？」
「屋主！經這三十年，沒有我的任何足以為聖者智見特質的過人法、安樂住被到達，除了裸行、剃頭、清理座位的刷子外。」
在這麼說時，屋主質多對裸行者迦葉說這個：
「實在不可思議啊，
先生！實在
未曾有啊，先生！法的善說情況：確實是因為如果三十年沒有任何足以為聖者智見特質的過人法、安樂住被到達，除了裸行、剃頭、清理座位的刷子外！」
「屋主！那麼，你已走入
優婆塞多久呢？」
「大德！那麼，我也已走入優婆塞三十年。」
「屋主！那麼，經這三十年，你有任何足以為聖者智見特質的過人法、安樂住被到達嗎？」
「大德！
在家者也會有：大德！只要我希望，就從離諸欲後，從離諸不善法後，我
進入後住於有尋、
有伺，
離而生喜、樂的初禪；大德！只要我希望，從尋與伺的平息……（中略）我進入後住於[無尋、無伺，定而生喜、樂的]第二禪；大德！只要我希望，以喜的
褪去……（中略）我進入後住於[凡聖者們告知『他是平靜者、具念者、
安樂住者』]的第三禪；大德！只要我希望，從樂的捨斷……（中略）我進入後住於[不苦不樂，
平靜、念遍純淨的]第四禪。
大德！又，如果我比
世尊先命終，那麼，這是
非不可思議的：凡世尊這麼
記說我：『沒有那個結，屋主質多被該結連結，再返回(來到)這個世間。』」
在這麼說時，裸行者迦葉對屋主質多說這個：
「實在不可思議啊，先生！實在未曾有啊，先生！法的善說情況：確實是因為
白衣在家人將證得像這樣足以為聖者智見特質的過人法、安樂住。屋主！願我得到在這法、律中出家，願得到
受具足戒。」
那時，屋主質多帶裸行者迦葉後去見上座
比丘們。抵達後，對上座比丘們說這個：
「大德！這位是我們以前在家的朋友裸行者迦葉，請上座們使他出家、使受具足戒，我將為他的衣服、
施食、臥坐處、病人需物、醫藥必需品作熱心。」
裸行者迦葉得到在這法律中出家，得到具足戒。
還有，已受具足戒不久，住於單獨的、隱離的、不放逸的、熱心的、自我努力的
尊者迦葉不久就以證智自作證後，在當生中
進入後住於凡
善男子們為了利益正確地
從在家出家成為無家者的那個無上梵行結尾，他證知：「出生已盡，梵行已完成，
應該被作的已作，不再有此處[輪迴]的狀態。」然後尊者迦葉成為眾
阿羅漢之一。
SN.41.9. Acelakassapasuttaṃ
351. Tena kho pana samayena acelo kassapo macchikāsaṇḍaṃ anuppatto hoti cittassa gahapatino purāṇagihisahāyo. Assosi kho citto gahapati– “acelo kira kassapo macchikāsaṇḍaṃ anuppatto amhākaṃ purāṇagihisahāyo”ti. Atha kho citto gahapati yena acelo kassapo tenupasaṅkami; upasaṅkamitvā acelena kassapena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho citto gahapati acelaṃ kassapaṃ etadavoca– “kīvaciraṃ pabbajitassa, bhante, kassapā”ti? “Tiṃsamattāni kho me, gahapati, vassāni pabbajitassā”ti. “Imehi pana te, bhante, tiṃsamattehi vassehi atthi koci uttarimanussadhammā alamariyañāṇadassanaviseso adhigato phāsuvihāro”ti? “Imehi kho me, gahapati, tiṃsamattehi vassehi pabbajitassa natthi koci uttarimanussadhammā alamariyañāṇadassanaviseso adhigato phāsuvihāro, aññatra naggeyyā ca muṇḍeyyā ca pāvaḷanipphoṭanāya cā”ti. Evaṃ vutte, citto gahapati acelaṃ kassapaṃ etadavoca– “acchariyaṃ vata, bho, abbhutaṃ vata, bho! Dhammassa svākkhātatā yatra hi nāma tiṃsamattehi vassehi na koci uttarimanussadhammā alamariyañāṇadassanaviseso adhigato abhavissa phāsuvihāro, aññatra naggeyyā ca muṇḍeyyā ca pāvaḷanipphoṭanāya cā”ti!
“Tuyhaṃ pana, gahapati, kīvaciraṃ upāsakattaṃ upagatassā”ti? “Mayhampi kho pana, bhante, tiṃsamattāni vassāni upāsakattaṃ upagatassā”ti. “Imehi pana te, gahapati, tiṃsamattehi vassehi atthi koci uttarimanussadhammā alamariyañāṇadassanaviseso adhigato phāsuvihāro”ti? “Gihinopi siyā, bhante. Ahañhi, bhante, yāvadeva ākaṅkhāmi, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharāmi. Ahañhi, bhante, yāvadeva ākaṅkhāmi, vitakkavicārānaṃ vūpasamā …pe… dutiyaṃ jhānaṃ upasampajja viharāmi. Ahañhi, bhante, yāvadeva ākaṅkhāmi, pītiyā ca virāgā …pe… tatiyaṃ jhānaṃ upasampajja viharāmi. Ahañhi, bhante, yāvadeva ākaṅkhāmi, sukhassa ca pahānā …pe… catutthaṃ jhānaṃ upasampajja viharāmi. Sace kho panāhaṃ, bhante, bhagavato paṭhamataraṃ kālaṃ kareyyaṃ, anacchariyaṃ kho panetaṃ yaṃ maṃ bhagavā evaṃ byākareyya– ‘natthi taṃ saṃyojanaṃ yena saṃyojanena saṃyutto citto gahapati puna imaṃ lokaṃ āgaccheyyā’”ti. Evaṃ vutte, acelo kassapo cittaṃ gahapatiṃ etadavoca– “acchariyaṃ vata bho, abbhutaṃ vata bho! Dhammassa svākkhātatā, yatra hi nāma gihī odātavasano evarūpaṃ uttarimanussadhammā alamariyañāṇadassanavisesaṃ adhigamissati phāsuvihāraṃ. Labheyyāhaṃ, gahapati imasmiṃ dhammavinaye pabbajjaṃ, labheyyaṃ upasampadan”ti.
Atha kho citto gahapati acelaṃ kassapaṃ ādāya yena therā bhikkhū tenupasaṅkami; upasaṅkamitvā there bhikkhū etadavoca– “ayaṃ, bhante, acelo kassapo amhākaṃ purāṇagihisahāyo. Imaṃ therā pabbājentu upasampādentu. Ahamassa ussukkaṃ karissāmi cīvarapiṇḍapātasenāsanagilānappaccayabhesajja-parikkhārānan”ti. Alattha kho acelo kassapo imasmiṃ dhammavinaye pabbajjaṃ, alattha upasampadaṃ. Acirūpasampanno ca panāyasmā kassapo eko vūpakaṭṭho appamatto ātāpī pahitatto viharanto nacirasseva– yassatthāya kulaputtā sammadeva agārasmā anagāriyaṃ pabbajanti, tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. “Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā”ti abbhaññāsi. Aññataro ca panāyasmā kassapo arahataṃ ahosīti. Navamaṃ.