中部39經/馬城大經(雙大品[4])(莊春江譯)[MA.182, AA.49.8]
被我這麼聽聞：
有一次，
世尊住在鴦伽，名叫馬城的鴦伽市鎮。
在那裡，世尊召喚
比丘們：「比丘們！」
「
尊師！」那些比丘回答世尊。
世尊說這個：
「比丘們！人們稱呼你們『
沙門、沙門』，而且，當你們被問：『你們是誰？』時，你們自稱：『我們是沙門。』比丘們！當他們這麼稱呼、當你們這麼自稱時，『凡
沙門所作與婆羅門所作諸法，我們將
受持後轉起那些法，這樣，這對我們的稱呼與我們的自稱將成為真實的事實，且凡我們受用衣服、
施食、臥坐處、病人需物、醫藥必需品，在我們上那些作者，他們將有大果、
大效益，以及我們的這個出家就將是
功不唐捐的、有果實的、有結果的。』比丘們！應該被你們這麼學。(415)
比丘們！而哪些是沙門所作與婆羅門所作諸法？『我們將具備
慚愧。』比丘們！應該被你們這麼學。比丘們！又，你們會這麼想：『我們具備慚愧，只這個程度足夠了，只這個程度已作了，我們的
沙門義已到達，我們沒有任何更進一步應該被作的。』你們會以就只那個程度來到滿足。比丘們！我使你們告知，比丘們！我使你們知道：『不要當你們是
沙門性希求者時，在有更進一步應該被作的上沙門義退失。』(416)
比丘們！而哪些是更進一步應該被作的？『我們的
身正行將成為遍純淨的、明顯的、開顯的、無缺陷的與
自制的，而且，以那個遍純淨的身正行，我們將既不讚揚自己，我們也將不輕蔑他人。』比丘們！應該被你們這麼學。比丘們！又，你們會這麼想：『我們具備慚愧，我們有遍純淨的身正行，只這個程度足夠了，只這個程度已作了，沙門義已到達，我們沒有任何更進一步應該被作的。』你們會以就只那個程度來到滿足。比丘們！我使你們告知，比丘們！我使你們知道：『不要當你們是沙門性希求者時，在有更進一步應該被作的上沙門義退失。』(417)
比丘們！而哪些是更進一步應該被作的？『我們的語正行將成為遍純淨的、明顯的、開顯的、無缺陷的與自制的，而且，以那個遍純淨的語正行，我們將既不讚揚自己，我們也將不輕蔑他人。』比丘們！應該被你們這麼學。比丘們！又，你們會這麼想：『我們具備慚愧，我們有遍純淨的身正行、遍純淨的語正行，只這個程度足夠了，只這個程度已作了，沙門義已到達，我們沒有任何更進一步應該被作的。』你們會以就只那個程度來到滿足。比丘們！我使你們告知，比丘們！我使你們知道：『不要當你們是沙門性希求者時，在有更進一步應該被作的上沙門義退失。』(418)
比丘們！而哪些是更進一步應該被作的？『我們的意正行將成為遍純淨的、明顯的、開顯的、無缺陷的與自制的，而且，以那個遍純淨的意正行，我們將既不讚揚自己，我們也將不輕蔑他人。』比丘們！應該被你們這麼學。比丘們！又，你們會這麼想：『我們具備慚愧，我們有遍純淨的身正行、遍純淨的語正行、遍純淨的意正行，只這個程度足夠了，只這個程度已作了，沙門義已到達，我們沒有任何更進一步應該被作的。』你們會以就只那個程度來到滿足。比丘們！我使你們告知，比丘們！我使你們知道：『不要當你們是沙門性希求者時，在有更進一步應該被作的上沙門義退失。』(419)
比丘們！而哪些是更進一步應該被作的？『我們的活命(生計)將成為遍純淨的、明顯的、開顯的、無缺陷的與自制的，而且，以那個遍純淨的活命，我們將既不讚揚自己，我們也將不輕蔑他人。』比丘們！應該被你們這麼學。比丘們！又，你們會這麼想：『我們具備慚愧，我們有遍純淨的身正行、遍純淨的語正行、遍純淨的意正行、遍純淨的活命，只這個程度足夠了，只這個程度已作了，沙門義已到達，我們沒有任何更進一步應該被作的。』你們會以就只那個程度來到滿足。比丘們！我使你們告知，比丘們！我使你們知道：『不要當你們是沙門性希求者時，在有更進一步應該被作的上沙門義退失。』(420)
比丘們！而哪些是更進一步應該被作的？比丘們！『我們將成為
在諸根上守護門者：以眼見色後，不成為相的執取者、
細相的執取者，因那個理由，
貪婪、憂諸惡不善法會
流入那位住於眼根不防護者，我們走上為了那個的自制之路，我們守護眼根，我們在眼根上來到自制；以耳聽聲音後……以鼻聞氣味後……以舌嚐味道後……以身觸
所觸後……以意識知法後，不成為相的執取者、細相的執取者，因那個理由，貪婪、憂諸惡不善法會流入那位住於意根不防護者，我們走上為了那個的自制之路，我們守護意根，我們在意根上來到自制。』比丘們！應該被你們這麼學。比丘們！又，你們會這麼想：『我們具備慚愧，我們有遍純淨的身正行、遍純淨的語正行、遍純淨的意正行、遍純淨的活命，是在諸根上守護門者，只這個程度足夠了，只這個程度已作了，沙門義已到達，我們沒有任何更進一步應該被作的。』你們會以就只那個程度來到滿足。比丘們！我使你們告知，比丘們！我使你們知道：『不要當你們是沙門性希求者時，在有更進一步應該被作的上沙門義退失。』(421)
比丘們！而哪些是更進一步應該被作的？『我們將成為在飲食上知適量者：我們將如理省察後吃食物：「既不為了娛樂，也不為了自豪，也不為了裝飾，也
不為了莊嚴，最多為了這個身體的存續、生存，為了止息傷害，為了資助梵行。像這樣，我們將擊退
之前的感受，與不使新的感受生起，將有我的生存，與無過失狀態，以及
安樂住。」』比丘們！應該被你們這麼學。比丘們！又，你們會這麼想：『我們具備慚愧，我們有遍純淨的身正行、遍純淨的語正行、遍純淨的意正行、遍純淨的活命，是在諸根上守護門者、在飲食上知適量者，只這個程度足夠了，只這個程度已作了，沙門義已到達，我們沒有任何更進一步應該被作的。』你們會以就只那個程度來到滿足。比丘們！我使你們告知，比丘們！我使你們知道：『不要當你們是沙門性希求者時，在有更進一步應該被作的上沙門義退失。』(422)
比丘們！而哪些是更進一步應該被作的？『我們將成為專修清醒者：在白天我們以
經行、安坐，將使心
從障礙法淨化。在
初夜，我們以經行、安坐，將使心從障礙法淨化。在中夜，我們[左]腳放在[右]腳上、
作意起來想後，具念正知地
以右脅作獅子臥。在後夜，我們以經行、安坐，將使心從障礙法淨化。』比丘們！應該被你們這麼學。比丘們！又，你們會這麼想：『我們具備慚愧，我們有遍純淨的身正行、遍純淨的語正行、遍純淨的意正行、遍純淨的活命，是在諸根上守護門者、在飲食上知適量者、專修清醒者，只這個程度足夠了，只這個程度已作了，沙門義已到達，我們沒有任何更進一步應該被作的。』你們會以就只那個程度來到滿足。比丘們！我使你們告知，比丘們！我使你們知道：『不要當你們是沙門性希求者時，在有更進一步應該被作的上沙門義退失。』(423)
比丘們！而哪些是更進一步應該被作的？『我們將具備念與正知，在前進後退時是
正知的行為者；在前視環視時是正知的行為者；在[肢體]屈伸時是正知的行為者；在
大衣、鉢、衣服的受持時是正知的行為者；在飲、食、嚼、嚐時是正知的行為者；在大小便動作時是正知的行為者；在行、住、坐、臥、清醒、語、默狀態時是正知的行為者。』比丘們！應該被你們這麼學。比丘們！又，你們會這麼想：『我們具備慚愧，我們有遍純淨的身正行、遍純淨的語正行、遍純淨的意正行、遍純淨的活命，是在諸根上守護門者、在飲食上知適量者、專修清醒者，具備念與正知，只這個程度足夠了，只這個程度已作了，沙門義已到達，我們沒有任何更進一步應該被作的。』你們會以就只那個程度來到滿足。比丘們！我使你們告知，比丘們！我使你們知道：『不要當你們是沙門性希求者時，在有更進一步應該被作的上沙門義退失。』(424)
比丘們！而哪些是更進一步應該被作的？比丘們！這裡，比丘親近遠離(獨居)的住處：
林野、樹下、山岳、洞窟、山洞、墓地、森林、露地、稻草堆。他
餐後已從施食返回，坐下，
盤腿、定置端直的身體、
建立面前的念後，他捨斷世間中的貪婪，以離貪婪心而住，
使心從貪婪淨化。捨斷惡意瞋怒後，住於無瞋害心、對一切
活的生命類有憐愍的，使心從惡意瞋怒淨化。捨斷惛沈睡眠後，住於離惛沈睡眠的、有
光明想的、具念的、正知的，使心從惛沈睡眠淨化。捨斷掉舉後悔後，住於不掉舉的、內心寂靜的，使心從掉舉後悔淨化。捨斷疑惑後，住於度脫疑惑的、在諸善法上無疑的，使心從疑惑淨化。(425)
比丘們！猶如男子拿借款後從事諸事業，他的那些事業成功，凡那些舊借款，對那些，他作終結，且更有剩餘的為他妻子的扶養。他這麼想：『我之前拿借款後從事諸事業，那個我的那些事業成功，凡那些舊借款，對那些，那個我作終結，且更有剩餘的為我妻子的扶養。』他從那個因由得到欣悅，到達喜悅。
比丘們！猶如男子是生病者、受苦者、重病者，食物不使他喜歡，以及在他的身體中沒有足夠的力氣。他過些時候從那個病被釋放，食物使他喜歡，以及在他的身體中有足夠力氣。他這麼想：『我之前是生病者、受苦者、重病者，食物不使我喜歡，以及在我的身體中沒有足夠的力氣，那個我現在從那個病被釋放，食物使我喜歡，以及在我的身體中有足夠的力氣。』他從那個因由得到欣悅，到達喜悅。
比丘們！猶如男子被監禁在監獄中，他過些時候從那個監禁平安地、無恐懼地被釋放，且沒有任何財物的損失，他這麼想：『我之前被監禁在監獄中，那個我現在從那個監禁平安地、無恐懼地被釋放，且沒有任何財物的損失。』他從那個因由得到欣悅，到達喜悅。
比丘們！猶如男子是奴隸、非依靠自己者、依靠他人者、非去想要到的地方者，他過些時候從那個奴隸境遇被釋放，是依靠自己者、不依靠他人者、脫離奴隸者、去想要到的地方者，他這麼想：『我之前是奴隸、非依靠自己者、依靠他人者、非去想要到的地方者，那個我現在從那個奴隸境遇被釋放，是依靠自己者、不依靠他人者、脫離奴隸者、去想要到的地方者。』他從那個因由得到欣悅，到達喜悅。
比丘們！猶如有財富、有財產的男子走上曠野道路，他過些時候從那個曠野平安地、無恐懼地度脫，沒有任何財物的損失，他這麼想：『有財富、有財產的我之前走上曠野道路，那個我現在從那個曠野平安地、無恐懼地度脫，沒有任何財物的損失。』他從那個因由得到欣悅，到達喜悅。
同樣的，比丘們！比丘如借款、如疾病、如監獄、如奴隸、如曠野道路地[這樣-DN.2]看這些在自己上未捨斷的
五蓋；猶如無借款、如無疾病、如監禁釋放、如脫離奴隸者、如安穩目的地，同樣的，比丘看這些在自己上已捨斷的五蓋。(426)
他捨斷這些心的
隨雜染、
慧的減弱的五蓋後，就從離諸欲後，從離諸不善法後，
進入後住於有尋、有伺，
離而生喜、樂的初禪，他以離而生喜、樂就使這個身體滿溢、灌滿、充滿、遍滿，他的全身沒有任何不被離而生喜、樂佈滿的。比丘們！猶如
熟練的浴僕或浴僕的徒弟在銅皿中撒佈沐浴粉後，以水一一澆注地混合，那個這沐浴粉團成為跟隨濕潤的、到達濕潤的，且內外被濕潤遍佈無漏出。同樣的，比丘們！比丘以離而生喜、樂就使這個身體滿溢、灌滿、充滿、遍滿，他的全身沒有任何不被離而生喜、樂佈滿的。(427)
再者，比丘們！比丘從尋與伺的平息，
自身內的明淨，
心的專一性，進入後住於無尋、無伺，定而生喜、樂的第二禪，他以定而生喜、樂就使這個身體滿溢、灌滿、充滿、遍滿，他的全身沒有任何不被定而生喜、樂佈滿的。比丘們！猶如有湧泉的水池，它在東方既沒有水的流入口，在西方也沒有水的流入口，在北方也沒有水的流入口，在南方也沒有水的流入口，而天不經常地給與應時的陣雨，那時，冷水水流就從那個水池湧出後，以冷水使那個水池滿溢、灌滿、充滿、遍滿，那個水池沒有任何不被冷水佈滿的。同樣的，比丘們！比丘以定而生喜、樂就使這個身體滿溢、灌滿、充滿、遍滿，他的全身沒有任何不被定而生喜、樂佈滿的。(428)
再者，比丘們！比丘從喜的
褪去、住於
平靜、有念正知、以身體感受樂，進入後住於聖者們告知凡那個『平靜的、具念的、
安樂住的』第三禪，他以無喜的樂就使這個身體滿溢、灌滿、充滿、遍滿，他的全身沒有任何不被無喜的樂佈滿的。比丘們！猶如在青蓮池中，或在紅蓮池中，或在白蓮池中，一些在水中生的、在水中長的、跟隨水沈在裡面養育的青蓮或紅蓮或白蓮，那些從頂端直到根為止被冷水滿溢、灌滿、充滿、遍滿，那個全部青蓮或紅蓮或白蓮沒有任何不被冷水佈滿的。同樣的，比丘們！比丘以無喜的樂就使這個身體滿溢、灌滿、充滿、遍滿，他的全身沒有任何不被無喜的樂佈滿的。(429)
再者，比丘們！比丘從樂的捨斷與從苦的捨斷，就在之前諸喜悅、憂的滅沒，進入後住於不苦不樂，
平靜、念遍純淨的第四禪，他以遍純淨的、皎潔的心就這個身佈滿後而坐，他的全身沒有任何不被遍純淨的、皎潔的心佈滿的。比丘們！猶如男子以白衣包含頭地裹覆後而坐，他的全身沒有任何不被白衣佈滿的。同樣的，比丘們！比丘以遍純淨的、皎潔的心就這個身佈滿後而坐，他的全身沒有任何不被遍純淨的、皎潔的心佈滿的。(430)
他在心是這樣入定的、遍純淨的、淨化的、無穢的、離
隨雜染的、柔軟的、
適合作業的、住立的、到達
不動的時，使心轉向前世住處回憶智。他回憶(隨念)許多前世住處，即：一生、二生……（中略）像這樣，回憶許多
有行相的、有境遇的前世住處。比丘們！猶如男子從自己的村落走到其它村落，又從那個村落走到其它村落，他從那個村落就返回自己的村落，他這麼想：『我從自己的村落走到那個村落，在那裡這麼站，這麼坐，這麼說，這麼沈默，又從那個村落走到那個村落，又在那裡這麼站，這麼坐，這麼說，這麼沈默，那個我從那個村落就返回自己的村落。』同樣的，比丘們！比丘回憶(隨念)許多前世住處，即：一生、二生……（中略）像這樣，回憶許多有行相的、有境遇的前世住處。(431)
他在心是這樣入定的、遍純淨的、淨化的、無穢的、離隨雜染的、柔軟的、適合作業的、住立的、到達不動的時，使心轉向眾生死亡往生智，以清淨、超越常人的天眼看見死沒往生的眾生：下劣的、勝妙的，美的、醜的，善去的、惡去的，知道依業到達的眾生：……（中略）。比丘們！猶如兩間有門的屋舍，在那裡，有眼的男子們站在中間看見進入及離開家屋，散步及漫步的人們。同樣的，比丘們！以清淨、超越常人的天眼看見死沒往生的眾生：下劣的、勝妙的，美的、醜的，善去的、惡去的，知道依業到達的眾生：……（中略）。(432)
他在心是這樣入定的、遍純淨的、淨化的、無穢的、離隨雜染的、柔軟的、適合作業的、住立的、到達不動的時，使心轉向
諸漏的滅盡智。他如實知道：『這是苦。』如實知道：『這是苦
集。』如實知道：『這是苦
滅。』如實知道：『這是導向苦
滅道跡。』如實知道：『這些是漏。』如實知道：『這是漏集。』如實知道：『這是漏滅。』如實知道：『這是導向漏滅道跡。』當他這樣知、這樣見時，心從欲漏被解脫，心也從有漏被解脫，心也從
無明漏被解脫。在解脫時，
有『[這是]解脫』之智，他知道：『
出生已盡，
梵行已完成，
應該被作的已作，
不再有此處[輪迴]的狀態。』
比丘們！猶如在山谷中有清澈的、明淨的、不混濁的湖沼，在那裡，在岸邊站立的有眼男子看見牡蠣貝類，及砂礫小石，及行進的停止的魚群，他這麼想：『這個湖沼是清澈的、明淨的、不混濁的，在那裡，有這些牡蠣貝類，及砂礫小石，及行進的停止的魚群。』同樣的，比丘們！他如實知道：『這是苦。』……（中略）『……不再有此處[輪迴]的狀態。』(433)
比丘們！這位比丘被稱為『沙門』、『婆羅門』、『沐浴者』、『通曉吠陀者』、『聞解者』、『聖者』、『
阿羅漢』。
比丘們！而怎樣比丘是沙門？污染的、
再有的、有恐懼的、苦果報的、未來生老死的諸惡不善法
被他平息，這樣，比丘是沙門。
比丘們！而怎樣比丘是婆羅門？污染的、再有的、有恐懼的、苦果報的、未來生老死的諸惡不善法被他拒斥，這樣，比丘是婆羅門。
比丘們！而怎樣比丘是沐浴者？污染的、再有的、有恐懼的、苦果報的、未來生老死的諸惡不善法被他沐浴，這樣，比丘是沐浴者。
比丘們！而怎樣比丘是通曉吠陀者？污染的、再有的、有恐懼的、苦果報的、未來生老死的諸惡不善法被他知道，這樣，比丘是通曉吠陀者。
比丘們！而怎樣比丘是聞解者？污染的、再有的、有恐懼的、苦果報的、未來生老死的諸惡不善法被他流出，這樣，比丘是聞解者。
比丘們！而怎樣比丘是聖者？污染的、再有的、有恐懼的、苦果報的、未來生老死的諸惡不善法被他遠離，這樣，比丘是聖者。
比丘們！而怎樣比丘是阿羅漢？污染的、再有的、有恐懼的、苦果報的、未來生老死的諸惡不善法被他遠離，這樣，比丘是阿羅漢。」
世尊說這個，悅意的那些比丘歡喜世尊的所說。(434)
馬城大經第九終了。
MN.39/(9) Mahā-assapurasuttaṃ
415. Evaṃ me sutaṃ– ekaṃ samayaṃ bhagavā aṅgesu viharati assapuraṃ nāma aṅgānaṃ nigamo. Tatra kho bhagavā bhikkhū āmantesi– “bhikkhavo”ti. “Bhadante”ti te bhikkhū bhagavato paccassosuṃ. Bhagavā etadavoca–
“Samaṇā samaṇāti vo, bhikkhave, jano sañjānāti. Tumhe ca pana ‘ke tumhe’ti puṭṭhā samānā ‘samaṇāmhā’ti paṭijānātha; tesaṃ vo, bhikkhave, evaṃsamaññānaṃ sataṃ evaṃpaṭiññānaṃ sataṃ ‘ye dhammā samaṇakaraṇā ca brāhmaṇakaraṇā ca te dhamme samādāya vattissāma, evaṃ no ayaṃ amhākaṃ samaññā ca saccā bhavissati paṭiññā ca bhūtā. Yesañca mayaṃ cīvarapiṇḍapātasenāsanagilāna-ppaccayabhesajjaparikkhāraṃ paribhuñjāma, tesaṃ te kārā amhesu mahapphalā bhavissanti mahānisaṃsā, amhākañcevāyaṃ pabbajjā avañjhā bhavissati saphalā sa-udrayā’ti. Evañhi vo, bhikkhave, sikkhitabbaṃ.
416. “Katame ca, bhikkhave, dhammā samaṇakaraṇā ca brāhmaṇakaraṇā ca? ‘Hirottappena samannāgatā bhavissāmā’ti evañhi vo, bhikkhave, sikkhitabbaṃ. Siyā kho pana, bhikkhave, tumhākaṃ evamassa– ‘hirottappenamha samannāgatā alamettāvatā katamettāvatā, anuppatto no sāmaññattho, natthi no kiñci uttariṃ karaṇīyan’ti tāvatakeneva tuṭṭhiṃ āpajjeyyātha. Ārocayāmi vo, bhikkhave paṭivedayāmi vo, bhikkhave– ‘mā vo sāmaññatthikānaṃ sataṃ sāmaññattho parihāyi, sati uttariṃ karaṇīye’.
417. “Kiñca, bhikkhave, uttariṃ karaṇīyaṃ? ‘Parisuddho no kāyasamācāro bhavissati uttāno vivaṭo na ca chiddavā saṃvuto ca. Tāya ca pana parisuddhakāyasamācāratāya nevattānukkaṃsessāma na paraṃ vambhessāmā’ti evañhi vo, bhikkhave, sikkhitabbaṃ. Siyā kho pana, bhikkhave, tumhākaṃ evamassa– ‘hirottappenamha samannāgatā, parisuddho no kāyasamācāro; alamettāvatā katamettāvatā, anuppatto no sāmaññattho, natthi no kiñci uttariṃ karaṇīyan’ti tāvatakeneva tuṭṭhiṃ āpajjeyyātha. Ārocayāmi vo, bhikkhave, paṭivedayāmi vo, bhikkhave– ‘mā vo sāmaññatthikānaṃ sataṃ sāmaññattho parihāyi, sati uttariṃ karaṇīye’.
418. “Kiñca, bhikkhave, uttariṃ karaṇīyaṃ? ‘Parisuddho no vacīsamācāro bhavissati uttāno vivaṭo na ca chiddavā saṃvuto ca. Tāya ca pana parisuddhavacīsamācāratāya nevattānukkaṃsessāma na paraṃ vambhessāmā’ti evañhi vo, bhikkhave, sikkhitabbaṃ. Siyā kho pana, bhikkhave, tumhākaṃ evamassa– ‘hirottappenamha samannāgatā, parisuddho no kāyasamācāro, parisuddho vacīsamācāro; alamettāvatā katamettāvatā, anuppatto no sāmaññattho, natthi no kiñci uttariṃ karaṇīyan’ti tāvatakeneva tuṭṭhiṃ āpajjeyyātha. Ārocayāmi vo bhikkhave, paṭivedayāmi vo, bhikkhave– ‘mā vo sāmaññatthikānaṃ sataṃ sāmaññattho parihāyi, sati uttariṃ karaṇīye’.
419. “Kiñca, bhikkhave, uttariṃ karaṇīyaṃ? ‘Parisuddho no manosamācāro bhavissati uttāno vivaṭo na ca chiddavā saṃvuto ca. Tāya ca pana parisuddhamano-samācāratāya nevattānukkaṃsessāma na paraṃ vambhessāmā’ti evañhi vo, bhikkhave, sikkhitabbaṃ. Siyā kho pana, bhikkhave, tumhākaṃ evamassa– ‘hirottappenamha samannāgatā, parisuddho no kāyasamācāro, parisuddho vacīsamācāro, parisuddho manosamācāro; alamettāvatā katamettāvatā, anuppatto no sāmaññattho, natthi no kiñci uttariṃ karaṇīyan’ti tāvatakeneva tuṭṭhiṃ āpajjeyyātha. Ārocayāmi vo, bhikkhave, paṭivedayāmi vo, bhikkhave– ‘mā vo sāmaññatthikānaṃ sataṃ sāmaññattho parihāyi, sati uttariṃ karaṇīye’.
420. “Kiñca, bhikkhave, uttariṃ karaṇīyaṃ? ‘Parisuddho no ājīvo bhavissati uttāno vivaṭo na ca chiddavā saṃvuto ca. Tāya ca pana parisuddhājīvatāya nevattānukkaṃsessāma na paraṃ vambhessāmā’ti evañhi vo, bhikkhave, sikkhitabbaṃ. Siyā kho pana, bhikkhave, tumhākaṃ evamassa– ‘hirottappenamha samannāgatā, parisuddho no kāyasamācāro, parisuddho vacīsamācāro, parisuddho manosamācāro, parisuddho ājīvo; alamettāvatā katamettāvatā, anuppatto no sāmaññattho natthi no kiñci uttariṃ karaṇīyan’ti tāvatakeneva tuṭṭhiṃ āpajjeyyātha. Ārocayāmi vo, bhikkhave, paṭivedayāmi vo, bhikkhave– ‘mā vo sāmaññatthikānaṃ sataṃ sāmaññattho parihāyi, sati uttariṃ karaṇīye’.
421. “Kiñca, bhikkhave, uttariṃ karaṇīyaṃ? ‘Indriyesu guttadvārā bhavissāma; cakkhunā rūpaṃ disvā na nimittaggāhī nānubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjissāma, rakkhissāma cakkhundriyaṃ, cakkhundriye saṃvaraṃ āpajjissāma. Sotena saddaṃ sutvā …pe… ghānena gandhaṃ ghāyitvā …pe… jivhāya rasaṃ sāyitvā …pe… kāyena phoṭṭhabbaṃ phusitvā …pe… manasā dhammaṃ viññāya na nimittaggāhī nānubyañjanaggāhī. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjissāma, rakkhissāma manindriyaṃ, manindriye saṃvaraṃ āpajjissāmā’ti evañhi vo, bhikkhave, sikkhitabbaṃ. Siyā kho pana, bhikkhave, tumhākaṃ evamassa– ‘hirottappenamha samannāgatā, parisuddho no kāyasamācāro, parisuddho vacīsamācāro, parisuddho manosamācāro, parisuddho ājīvo, indriyesumha guttadvārā; alamettāvatā katamettāvatā, anuppatto no sāmaññattho, natthi no kiñci uttariṃ karaṇīyan’ti tāvatakeneva tuṭṭhiṃ āpajjeyyātha. Ārocayāmi vo, bhikkhave, paṭivedayāmi vo, bhikkhave– ‘mā vo sāmaññatthikānaṃ sataṃ sāmaññattho parihāyi, sati uttariṃ karaṇīye’.
422. “Kiñca, bhikkhave, uttariṃ karaṇīyaṃ? ‘Bhojane mattaññuno bhavissāma, paṭisaṅkhā yoniso āhāraṃ āharissāma, neva davāya na madāya na maṇḍanāya na vibhūsanāya yāvadeva imassa kāyassa ṭhitiyā yāpanāya, vihiṃsūparatiyā, brahmacariyānuggahāya, iti purāṇañca vedanaṃ paṭihaṅkhāma navañca vedanaṃ na uppādessāma, yātrā ca no bhavissati, anavajjatā ca, phāsu vihāro cā’ti evañhi vo, bhikkhave, sikkhitabbaṃ. Siyā kho pana, bhikkhave, tumhākaṃ evamassa– ‘hirottappenamha samannāgatā, parisuddho no kāyasamācāro, parisuddho vacīsamācāro, parisuddho manosamācāro, parisuddho ājīvo, indriyesumha guttadvārā, bhojane mattaññuno; alamettāvatā katamettāvatā, anuppatto no sāmaññattho, natthi no kiñci uttariṃ karaṇīyan’ti tāvatakeneva tuṭṭhiṃ āpajjeyyātha. Ārocayāmi vo, bhikkhave, paṭivedayāmi vo, bhikkhave– ‘mā vo, sāmaññatthikānaṃ sataṃ sāmaññattho parihāyi sati uttariṃ karaṇīye’.
423. “Kiñca bhikkhave, uttariṃ karaṇīyaṃ? ‘Jāgariyaṃ anuyuttā bhavissāma, divasaṃ caṅkamena nisajjāya āvaraṇīyehi dhammehi cittaṃ parisodhessāma. Rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodhessāma. Rattiyā majjhimaṃ yāmaṃ dakkhiṇena passena sīhaseyyaṃ kappessāma pāde pādaṃ accādhāya, sato sampajāno uṭṭhānasaññaṃ manasi karitvā. Rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodhessāmā’ti, evañhi vo, bhikkhave, sikkhitabbaṃ. Siyā kho pana, bhikkhave, tumhākaṃ evamassa– ‘hirottappenamha samannāgatā, parisuddho no kāyasamācāro, parisuddho vacīsamācāro, parisuddho manosamācāro, parisuddho ājīvo, indriyesumha guttadvārā, bhojane mattaññuno, jāgariyaṃ anuyuttā; alamettāvatā katamettāvatā, anuppatto no sāmaññattho, natthi no kiñci uttariṃ karaṇīyan’ti, tāvatakeneva tuṭṭhiṃ āpajjeyyātha. Ārocayāmi vo, bhikkhave, paṭivedayāmi vo, bhikkhave– ‘mā vo, sāmaññatthikānaṃ sataṃ sāmaññattho parihāyi sati uttariṃ karaṇīye’.
424. “Kiñca, bhikkhave, uttariṃ karaṇīyaṃ? ‘Satisampajaññena samannāgatā bhavissāma, abhikkante paṭikkante sampajānakārī, ālokite vilokite sampajānakārī, samiñjite pasārite sampajānakārī, saṅghāṭipattacīvaradhāraṇe sampajānakārī, asite pīte khāyite sāyite sampajānakārī, uccārapassāvakamme sampajānakārī, gate ṭhite nisinne sutte jāgarite bhāsite tuṇhībhāve sampajānakārī’ti, evañhi vo, bhikkhave, sikkhitabbaṃ. Siyā kho pana, bhikkhave, tumhākaṃ evamassa ‘hirottappenamha samannāgatā, parisuddho no kāyasamācāro, parisuddho vacīsamācāro, parisuddho manosamācāro, parisuddho ājīvo, indriyesumha guttadvārā, bhojane mattaññuno, jāgariyaṃ anuyuttā, satisampajaññena samannāgatā; alamettāvatā katamettāvatā, anuppatto no sāmaññattho, natthi no kiñci uttariṃ karaṇīyan’ti tāvatakeneva tuṭṭhiṃ āpajjeyyātha. Ārocayāmi vo, bhikkhave, paṭivedayāmi vo, bhikkhave– ‘mā vo, sāmaññatthikānaṃ sataṃ sāmaññattho parihāyi sati uttariṃ karaṇīye’.
425. “Kiñca, bhikkhave, uttariṃ karaṇīyaṃ? Idha, bhikkhave, bhikkhu vivittaṃ senāsanaṃ bhajati– araññaṃ rukkhamūlaṃ pabbataṃ kandaraṃ giriguhaṃ susānaṃ vanappatthaṃ abbhokāsaṃ palālapuñjaṃ. So pacchābhattaṃ piṇḍapātapaṭikkanto nisīdati pallaṅkaṃ ābhujitvā, ujuṃ kāyaṃ paṇidhāya parimukhaṃ satiṃ upaṭṭhapetvā. So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti; byāpādapadosaṃ pahāya abyāpannacitto viharati, sabbapāṇabhūtahitānukampī byāpādapadosā cittaṃ parisodheti; thīnamiddhaṃ pahāya vigatathīnamiddho viharati, ālokasaññī sato sampajāno, thīnamiddhā cittaṃ parisodheti; uddhaccakukkuccaṃ pahāya anuddhato viharati ajjhattaṃ vūpasantacitto, uddhaccakukkuccā cittaṃ parisodheti; vicikicchaṃ pahāya tiṇṇavicikiccho viharati, akathaṃkathī kusalesu dhammesu, vicikicchāya cittaṃ parisodheti.
426. “Seyyathāpi bhikkhave, puriso iṇaṃ ādāya kammante payojeyya. Tassa te kammantā samijjheyyuṃ. So yāni ca porāṇāni iṇamūlāni tāni ca byantī kareyya, siyā cassa uttariṃ avasiṭṭhaṃ dārabharaṇāya. Tassa evamassa– ‘ahaṃ kho pubbe iṇaṃ ādāya kammante payojesiṃ, tassa me te kammantā samijjhiṃsu. Sohaṃ yāni ca porāṇāni iṇamūlāni tāni ca byantī akāsiṃ, atthi ca me uttariṃ avasiṭṭhaṃ dārabharaṇāyā’ti. So tatonidānaṃ labhetha pāmojjaṃ, adhigaccheyya somanassaṃ.
“Seyyathāpi, bhikkhave, puriso ābādhiko assa dukkhito bāḷhagilāno, bhattañcassa nacchādeyya, na cassa kāye balamattā. So aparena samayena tamhā ābādhā mucceyya, bhattañcassa chādeyya, siyā cassa kāye balamattā. Tassa evamassa– ‘ahaṃ kho pubbe ābādhiko ahosiṃ dukkhito bāḷhagilāno, bhattañca me nacchādesi, na ca me āsi kāye balamattā, somhi etarahi tamhā ābādhā mutto, bhattañca me chādeti, atthi ca me kāye balamattā’ti. So tatonidānaṃ labhetha pāmojjaṃ, adhigaccheyya somanassaṃ.
“Seyyathāpi, bhikkhave, puriso bandhanāgāre baddho assa. So aparena samayena tamhā bandhanā mucceyya sotthinā abbhayena, na cassa kiñci bhogānaṃ vayo. Tassa evamassa– ‘ahaṃ kho pubbe bandhanāgāre baddho ahosiṃ, somhi etarahi tamhā bandhanā mutto, sotthinā abbhayena, natthi ca me kiñci bhogānaṃ vayo’ti. So tatonidānaṃ labhetha pāmojjaṃ, adhigaccheyya somanassaṃ.
“Seyyathāpi bhikkhave, puriso dāso assa anattādhīno parādhīno na yenakāmaṃgamo. So aparena samayena tamhā dāsabyā mucceyya attādhīno aparādhīno bhujisso yenakāmaṃgamo. Tassa evamassa– ‘ahaṃ kho pubbe dāso ahosiṃ anattādhīno parādhīno na yenakāmaṃgamo, somhi etarahi tamhā dāsabyā mutto attādhīno aparādhīno bhujisso yenakāmaṃgamo’ti. So tatonidānaṃ labhetha pāmojjaṃ, adhigaccheyya somanassaṃ.
“Seyyathāpi, bhikkhave, puriso sadhano sabhogo kantāraddhānamaggaṃ paṭipajjeyya. So aparena samayena tamhā kantārā nitthareyya sotthinā abbhayena, na cassa kiñci bhogānaṃ vayo. Tassa evamassa– ‘ahaṃ kho pubbe sadhano sabhogo kantāraddhānamaggaṃ paṭipajjiṃ. Somhi etarahi tamhā kantārā nitthiṇṇo sotthinā abbhayena, natthi ca me kiñci bhogānaṃ vayo’ti. So tatonidānaṃ labhetha pāmojjaṃ, adhigaccheyya somanassaṃ.
“Evameva kho, bhikkhave, bhikkhu yathā iṇaṃ yathā rogaṃ yathā bandhanāgāraṃ yathā dāsabyaṃ yathā kantāraddhānamaggaṃ, ime pañca nīvaraṇe appahīne attani samanupassati. Seyyathāpi, bhikkhave, āṇaṇyaṃ yathā ārogyaṃ yathā bandhanāmokkhaṃ yathā bhujissaṃ yathā khemantabhūmiṃ; evameva bhikkhu ime pañca nīvaraṇe pahīne attani samanupassati.
427. “So ime pañca nīvaraṇe pahāya cetaso upakkilese paññāya dubbalīkaraṇe, vivicceva kāmehi vivicca akusalehi dhammehi, savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. So imameva kāyaṃ vivekajena pītisukhena abhisandeti parisandeti paripūreti parippharati, nāssa kiñci sabbāvato kāyassa vivekajena pītisukhena apphuṭaṃ hoti. Seyyathāpi, bhikkhave, dakkho nhāpako vā nhāpakantevāsī vā kaṃsathāle nhānīyacuṇṇāni ākiritvā udakena paripphosakaṃ paripphosakaṃ sanneyya. Sāyaṃ nhānīyapiṇḍi snehānugatā snehaparetā santarabāhirā, phuṭā snehena na ca pagghariṇī. Evameva kho, bhikkhave, bhikkhu imameva kāyaṃ vivekajena pītisukhena abhisandeti parisandeti paripūreti parippharati, nāssa kiñci sabbāvato kāyassa vivekajena pītisukhena apphuṭaṃ hoti.
428. “Puna caparaṃ, bhikkhave, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. So imameva kāyaṃ samādhijena pītisukhena abhisandeti parisandeti paripūreti parippharati, nāssa kiñci sabbāvato kāyassa samādhijena pītisukhena apphuṭaṃ hoti. Seyyathāpi, bhikkhave, udakarahado ubbhidodako. Tassa nevassa puratthimāya disāya udakassa āyamukhaṃ, na pacchimāya disāya udakassa āyamukhaṃ, na uttarāya disāya udakassa āyamukhaṃ, na dakkhiṇāya disāya udakassa āyamukhaṃ, devo ca na kālena kālaṃ sammādhāraṃ anuppaveccheyya. Atha kho tamhāva udakarahadā sītā vāridhārā ubbhijjitvā tameva udakarahadaṃ sītena vārinā abhisandeyya parisandeyya paripūreyya paripphareyya, nāssa kiñci sabbāvato udakarahadassa sītena vārinā apphuṭaṃ assa. Evameva kho, bhikkhave, bhikkhu imameva kāyaṃ samādhijena pītisukhena abhisandeti parisandeti paripūreti parippharati, nāssa kiñci sabbāvato kāyassa samādhijena pītisukhena apphuṭaṃ hoti.
429. “Puna caparaṃ, bhikkhave, bhikkhu pītiyā ca virāgā upekkhako ca viharati, sato ca sampajāno, sukhañca kāyena paṭisaṃvedeti, yaṃ taṃ ariyā ācikkhanti– ‘upekkhako satimā sukhavihārī’ti tatiyaṃ jhānaṃ upasampajja viharati. So imameva kāyaṃ nippītikena sukhena abhisandeti parisandeti paripūreti parippharati, nāssa kiñci sabbāvato kāyassa nippītikena sukhena apphuṭaṃ hoti. Seyyathāpi, bhikkhave, uppaliniyaṃ vā paduminiyaṃ vā puṇḍarīkiniyaṃ vā appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni antonimuggaposīni, tāni yāva caggā yāva ca mūlā sītena vārinā abhisannāni parisannāni paripūrāni paripphuṭāni, nāssa kiñci sabbāvataṃ uppalānaṃ vā padumānaṃ vā puṇḍarīkānaṃ vā sītena vārinā apphuṭaṃ assa. Evameva kho, bhikkhave, bhikkhu imameva kāyaṃ nippītikena sukhena abhisandeti parisandeti paripūreti parippharati, nāssa kiñci sabbāvato kāyassa nippītikena sukhena apphuṭaṃ hoti.
430. “Puna caparaṃ, bhikkhave, bhikkhu sukhassa ca pahānā dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. So imameva kāyaṃ parisuddhena cetasā pariyodātena pharitvā nisinno hoti nāssa kiñci sabbāvato kāyassa parisuddhena cetasā pariyodātena apphuṭaṃ hoti. Seyyathāpi, bhikkhave, puriso odātena vatthena sasīsaṃ pārupetvā nisinno assa, nāssa kiñci sabbāvato kāyassa odātena vatthena apphuṭaṃ assa. Evameva kho, bhikkhave, bhikkhu imameva kāyaṃ parisuddhena cetasā pariyodātena pharitvā nisinno hoti, nāssa kiñci sabbāvato kāyassa parisuddhena cetasā pariyodātena apphuṭaṃ hoti.
431. “So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmeti. So anekavihitaṃ pubbenivāsaṃ anussarati, seyyathidaṃ– ekampi jātiṃ, dvepi jātiyo …pe… iti sākāraṃ sa-uddesaṃ anekavihitaṃ pubbenivāsaṃ anussarati. Seyyathāpi, bhikkhave, puriso sakamhā gāmā aññaṃ gāmaṃ gaccheyya, tamhāpi gāmā aññaṃ gāmaṃ gaccheyya, so tamhā gāmā sakaṃyeva gāmaṃ paccāgaccheyya. Tassa evamassa– ‘ahaṃ kho sakamhā gāmā amuṃ gāmaṃ agacchiṃ, tatrapi evaṃ aṭṭhāsiṃ evaṃ nisīdiṃ evaṃ abhāsiṃ evaṃ tuṇhī ahosiṃ; tamhāpi gāmā amuṃ gāmaṃ agacchiṃ, tatrapi evaṃ aṭṭhāsiṃ evaṃ nisīdiṃ evaṃ abhāsiṃ evaṃ tuṇhī ahosiṃ; somhi tamhā gāmā sakaṃyeva gāmaṃ paccāgato’ti. Evameva kho, bhikkhave, bhikkhu anekavihitaṃ pubbenivāsaṃ anussarati, seyyathidaṃ– ekampi jātiṃ dvepi jātiyo …pe… iti sākāraṃ sa-uddesaṃ anekavihitaṃ pubbenivāsaṃ anussarati.
432. “So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmeti. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate, yathākammūpage satte pajānāti …pe… seyyathāpi, bhikkhave, dve agārā sadvārā. Tattha cakkhumā puriso majjhe ṭhito passeyya manusse gehaṃ pavisantepi nikkhamantepi, anucaṅkamantepi anuvicarantepi Evameva kho, bhikkhave, bhikkhu dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti …pe….
433. “So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti. So ‘idaṃ dukkhan’ti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti. ‘Ime āsavā’ti yathābhūtaṃ pajānāti, ‘ayaṃ āsavasamudayo’ti yathābhūtaṃ pajānāti, ‘ayaṃ āsavanirodho’ti yathābhūtaṃ pajānāti, ‘ayaṃ āsavanirodhagāminī paṭipadā’ti yathābhūtaṃ pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti– ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti.
“Seyyathāpi, bhikkhave, pabbatasaṅkhepe udakarahado accho vippasanno anāvilo. Tattha cakkhumā puriso tīre ṭhito passeyya sippisambukampi sakkharakathalampi macchagumbampi, carantampi tiṭṭhantampi. Tassa evamassa– ‘ayaṃ kho udakarahado accho vippasanno anāvilo. Tatrime sippisambukāpi sakkharakathalāpi macchagumbāpi carantipi tiṭṭhantipīti Evameva kho, bhikkhave, bhikkhu ‘idaṃ dukkhan’ti yathābhūtaṃ pajānāti …pe… nāparaṃ itthattāyāti pajānāti.
434. “Ayaṃ vuccati, bhikkhave, bhikkhu ‘samaṇo’ itipi ‘brāhmaṇo’itipi ‘nhātako’itipi ‘vedagū’itipi ‘sottiyo’itipi ‘ariyo’itipi ‘arahaṃ’itipi. Kathañca, bhikkhave, bhikkhu samaṇo hoti? Samitāssa honti pāpakā akusalā dhammā, saṃkilesikā, ponobbhavikā, sadarā, dukkhavipākā āyatiṃ, jātijarāmaraṇiyā. Evaṃ kho, bhikkhave, bhikkhu samaṇo hoti.
“Kathañca, bhikkhave, bhikkhu brāhmaṇo hoti? Bāhitāssa honti pāpakā akusalā dhammā saṃkilesikā, ponobbhavikā, sadarā, dukkhavipākā, āyatiṃ, jātijarāmaraṇiyā. Evaṃ kho, bhikkhave, bhikkhu brāhmaṇo hoti.
“Kathañca, bhikkhave, bhikkhu nhātako hoti? Nhātāssa honti pāpakā akusalā dhammā, saṃkilesikā, ponobbhavikā, sadarā, dukkhavipākā, āyatiṃ, jātijarāmaraṇiyā. Evaṃ kho, bhikkhave, bhikkhu nhātako hoti.
“Kathañca, bhikkhave, bhikkhu vedagū hoti? Viditāssa honti pāpakā akusalā dhammā, saṃkilesikā, ponobbhavikā, sadarā, dukkhavipākā, āyatiṃ, jātijarāmaraṇiyā. Evaṃ kho, bhikkhave, bhikkhu vedagū hoti.
“Kathañca, bhikkhave, bhikkhu sottiyo hoti? Nissutāssa honti pāpakā akusalā dhammā, saṃkilesikā, ponobbhavikā, sadarā, dukkhavipākā, āyatiṃ, jātijarāmaraṇiyā. Evaṃ kho, bhikkhave, bhikkhu sottiyo hoti.
“Kathañca, bhikkhave, bhikkhu ariyo hoti Ārakāssa honti pāpakā akusalā dhammā, saṃkilesikā, ponobbhavikā, sadarā, dukkhavipākā, āyatiṃ, jātijarāmaraṇiyā. Evaṃ kho, bhikkhave, bhikkhu ariyo hoti.
“Kathañca, bhikkhave, bhikkhu arahaṃ hoti? Ārakāssa honti pāpakā akusalā dhammā, saṃkilesikā, ponobbhavikā, sadarā, dukkhavipākā, āyatiṃ, jātijarāmaraṇiyā. Evaṃ kho, bhikkhave, bhikkhu arahaṃ hotī”ti.
Idamavoca bhagavā. Attamanā te bhikkhū bhagavato bhāsitaṃ abhinandunti.
Mahā-assapurasuttaṃ niṭṭhitaṃ navamaṃ.