Buddhavaṃsa

對那位世尊、阿羅漢、遍正覺者禮敬
小部
佛種姓經典
　1.寶物經行處章
　　1.
　　那時梵天世界主、娑婆主，作合掌地對無更殊勝者懇求：
　　這裡有少塵垢之類的眾生，請你教導法、請你憐愍這個世代。[↝SN.6.1]
　　2.
　　明行具足者的、像這樣者的，有光輝者的、持最後身者的，
　　如來的、無與倫比者的悲愍，在一切眾生上生起：
　　3.
　　確實這些包括天、人不知道，這位佛陀、最上人是像什麼樣的，
　　神通力與慧力是像什麼樣的，世間有利益者的佛力是像什麼樣的。
　　4.
　　確實這些包括天、人不知道，這位佛陀、最上人是像這樣的，
　　神通力與慧力是像這樣的，世間有益者的佛力是像這樣的。
　　5.
　　那麼我將展示，無上的佛力，
　　我將建造經行處：在天空中寶物裝飾的。
　　6.
　　諸陸棲的、[四]大王天的、三十三天的，諸夜摩天的、兜率天[的]、化作天的天神，
　　此外凡諸他化[自在天]、梵眾天，歡喜者們有廣大的叫聲。
　　7.
　　使大地與包括天的[世間]發光，以及個個世界與無防護世界之間的空隙，
　　以及極黑暗的那時被破壞：看見這個不可思議的神變後。
　　8.
　　在包括天、乾達婆、人、羅剎中，出色的、廣大的光被產生，
　　在這個、其他、兩者世間中，上、下、橫向被散布。
　　9.
　　眾生最上者、無更殊勝者、指導者，成為天、人供養的大師，
　　大威力者、百福德相者，展示不可思議的神變。
　　10.
　　那位被殊勝天神懇求的有眼者，那時最上人考察義理後，
　　世間的導師建造經行處：全部寶物化作的、善完成的。
　　11.
　　神通與讀心、教誡，世尊在三種神變上是自在者，[↝DN.11]
　　世間的導師建造經行處：全部寶物化作的、善完成的。
　　12.
　　在十千世間界中，對諸最上的須彌山，
　　都順序地展示諸柱子：在寶物作的經行處。
　　13.
　　越過十千[世間界]後，勝者建造經行處，
　　全部黃金作的：在寶物作的經行處側邊。
　　14.
　　均等的門柱一致地，被黃金板覆蓋，
　　全部黃金欄杆，在兩側邊被化作。
　　15.
　　寶珠、真珠沙散佈的，化作的、寶物作的[經行處]，
　　使一切方向輝耀，如上昇的太陽(百光芒)。
　　16.
　　在那個經行處，三十二殊勝相的明智者，
　　輝耀的正覺者，勝者在經行處經行。
　　17.
　　天的曼陀羅，紅蓮、晝度樹花：
　　全部聚集的天神們，在經行處撒。
　　18.
　　一萬天神眾，完全喜悅地看他，
　　禮敬者們倒禮：滿足地、大喜地、完全喜悅地。
　　19.
　　三十三天與夜摩天，還有兜率天天神們，
　　化樂天天神們，凡[他化]自在天天神們，
　　踊躍心地、快樂地，看世間的導師，
　　20.
　　包括天、乾達婆、人、羅剎們，諸龍、金翅鳥然後還有緊那羅，
　　看那位一切世間有利益的憐愍者：如在天空極高的月輪，
　　21.
　　光音天、遍淨天，廣果天與阿迦膩吒天天神們，
　　極純淨的白衣衣著者們，作合掌地站立，
　　22.
　　並且釋放五種容色的花：曼陀羅[花]、檀香粉混合的，
　　以及那時諸衣服在天空飄揚(使旋轉)：啊！世間有利益的、有憐愍的勝者，
　　23.
　　你是有生命者們的大師與旗幟，以及旗桿(柱子)，
　　所趣處與依所，洲島與兩足最上者。[Apn.3, 219偈]
　　24.
　　在十千世間界中，大神通力的天神們，
　　圍繞後禮敬：滿足地、大喜地、完全喜悅地。
　　25.
　　天神們與天女們，明淨地、有喜悅心意地，
　　以五種容色的花，供養人中之牛王。
　　26.
　　一萬天神眾對他，明淨地、有喜悅心意地，
　　以五種容色的花，供養人中之牛王：
　　27.
　　啊！有世間中不可思議的，未曾有的身毛豎立，
　　我在往昔沒有像這樣的，不可思議的身毛豎立。
　　28.
　　在各自的住處，天神們坐下後，
　　祂們大笑地笑：看見在天空中不可思議的後。
　　29.
　　諸住在天空者與住在地面者，諸草路居住者，
　　作合掌者們禮敬：滿足地、大喜地、完全喜悅地。
　　30.
　　及凡諸長壽的龍：有福德的、大神通力的，
　　完全喜悅者們禮敬，供養最上人。
　　31.
　　祂們使諸合唱轉起：在天空、在在直風中，
　　演奏諸皮革包裹的[樂器]：看見在天空中不可思議的後。
　　32.
　　以及諸海螺連同鑼，還有許多小鼓，
　　祂們在空中演奏：看見在天空中不可思議的後：
　　33.
　　今日我們確實有未曾有的，身毛豎立生起，
　　我們得到堅固的利益成就，剎那被我們使實行。
　　34.
　　聽聞他們的「佛陀」[言語]後，那時喜生起，
　　談論「佛陀、佛陀」者們，作合掌地站立。
　　35.
　　驚訝的叫聲、喝彩，以及歡呼、欣喜，
　　那時作合掌的多種人，使在空中轉起。
　　36.
　　他們唱歌、吹口哨、演奏，拍手、跳舞，
　　並且釋放五種容色的花：曼陀羅[花]、檀香粉混合的，
　　37.
　　大英雄！如在你的腳上，有輪相，
　　旗幟、金剛旗，卍字鉤被堆積，
　　38.
　　在色、戒、定，以及在慧上像這樣者，
　　在解脫上，在法輪轉起上無完全相等者，
　　39.
　　在你的身上天然力，有十龍象力，
　　以神通力，在法輪轉起上無等同者。
　　40.
　　對像這樣一切德行具備者，對一切部分到達者，
　　對大牟尼、悲者，對世間的庇護者請你敬禮敬。
　　41.
　　問訊與稱讚，禮拜與讚賞，
　　禮敬與供養：你值得全部。
　　42.
　　凡世間中任何應該被禮拜者，該者們值得禮拜，
　　大英雄！[你是]一切最勝者，與你等同者不被發現。
　　43.
　　大慧的舍利弗：定、禪熟知者，
　　在耆闍崛山站立者，就看見世間的導師。
　　44.
　　如盛開花的沙羅樹王，如在空中的月亮，
　　如在中午時的太陽：他注視人中之牛王。
　　45.
　　如輝耀的燈柱，如上昇的新太陽，
　　一噚光輝變亮者：他看見明智的世間導師。
　　46.
　　對五百比丘，對應該被作的已作的像這樣者們，
　　對漏已滅盡者們、離垢者們，他剎那集合：
　　47.
　　確實-他顯現，世間明淨的神變，
　　在那裡我們也去後，我們將禮拜勝者。
　　48.
　　來！我們全部將去，我們將問勝者，
　　我們將除去疑惑：看見世間的導師後。
　　49.
　　「好！」他們回答後：聰明的根自制者們，
　　取衣鉢後，急忙地接近，
　　50.
　　與漏已滅盡者們、離垢者們，與已調御者們在最上的調御者處，
　　大慧的舍利弗，以神通去見。
　　51.
　　被那些比丘們圍繞的，有大團體的舍利弗，
　　如在空中遊戲的天神，以神通去見。
　　52.
　　對咳嗽與噴嚏，善禁戒者們注意後，
　　有尊重者們、有順從者們，去見正覺者。
　　53.
　　抵達後他們看見，自存者、世間的導師，
　　在天空極高的明智者，如在空中的月亮，
　　54.
　　如輝耀的燈柱，如天空中閃電，
　　如在中午時的太陽：他們看見世間的導師。
　　55.
　　五百比丘全部，看見世間的導師：
　　如明淨的湖，如勝開的紅蓮。
　　56.
　　舉起合掌後：滿足地、大喜地、完全喜悅地，
　　禮敬者們倒禮：在大師的輪相上。
　　57.
　　大慧的舍利弗：如荊棘金樹等同的同樣者，
　　定、禪熟知者，禮拜世間的導師。
　　58.
　　如黑雨雲打雷的，如青蓮等同的同樣的，
　　以神通力無等同的，大神通力的目揵連，
　　59.
　　此外大迦葉長老：似精鍊的黃金者，
　　在頭陀德行上被放置最高者，大師稱讚的讚賞者，
　　60.
　　天眼者們中凡最高者：有大團體的阿那律，
　　世尊的最勝親族，就在不遠處站立。
　　61.
　　在犯戒無犯戒上，在可原諒的(出罪)上熟知者，
　　在律上被放置最高者，大師稱讚的優波離。
　　62.
　　精細的、微妙的義理洞察者，論述者們中最頂尖的有群眾者，
　　仙人彌多羅尼的兒子，「名為富樓那」出名者。
　　63.
　　了知這些[人]的心後，熟練譬喻的牟尼，
　　切斷疑惑的大英雄，說自己的德行。
　　64.
　　那四阿僧祇，該者們的邊際不被知道：
　　眾生眾與空間，以及無邊的鐵圍山。
　　這些[人]會不能夠了知，不能被衡量的佛智。
　　65.
　　為何在世間中這是不可思議的：凡我的神通變化，
　　[以及]其它許多不可思議的，未曾有的身毛豎立？
　　66.
　　當我在兜率天時，那時我名為善知足，
　　一萬天神聚集後，合掌地對我乞求：
　　67.
　　大英雄！是你的時間：請你在母親子宮中生起，
　　請使包括天的[世間]度脫的你，覺不死的境界。
　　68.
　　從兜率天死沒的我，當進入子宮時，
　　十千世間界，那時大地搖動。
　　69.
　　當我從母親子宮，就正知地出去時，
　　他們使喝采轉起，十千[世間]震動。
　　70.
　　入胎、從出生、在離家時，沒有與我等同者，
　　在正覺上，在法輪轉起上我是最勝者。
　　71.
　　啊！是世間中不可思議的：諸佛的德行偉大性，
　　十千世間界，六種類震動，
　　有大光明，以及不可思議的身毛豎立。
　　72.
　　在那時世尊，世間最勝者、人中之牛王，
　　包括天的[世間]被看見的勝者，以神通經行。
　　73.
　　就在經行處經行的，世間的導師談論，
　　不使在中途折返：像這樣在四手肘長經行處上。
　　74.
　　大慧的舍利弗：定、禪熟知者，
　　慧波羅蜜到達者，問世間的導師：
　　75.
　　大英雄！你的志向，最上人！是像什麼樣的？
　　明智者！在什麼時間，最上的覺(菩提)被你願求？
　　76.
　　布施、戒、出離，以及慧、精進(活力)是像什麼樣的？
　　忍耐(忍辱)、諦、決意，以及慈、平靜(捨)是像什麼樣的？
　　77.
　　明智者！你的十波羅蜜，世間的導師！是像什麼樣的？
　　近波羅蜜如何被充滿？最上義波羅蜜如何[被充滿]？
　　78.
　　對他所問的，美聲鳥如蜜話語的[世尊]回答：
　　使心熄滅地，使包括天的[世間]笑地。
　　79.
　「過去諸佛的、諸勝者的教導的，遊戲的-佛傳承來到的，
　　以前世住處伴隨的聰慧，對包括天的世間有益的他揭示。
　　80.
　　對喜、欣悅的生起，對憂愁之箭的除去，
　　對全部成就的得到，起敬意後請你們聽我的。
　　81.
　　對驕慢的碎破、憂愁的排除，對輪迴的脫離，
　　對一切苦的滅盡之道，請你們恭敬地實行。」
　　寶物經行處章已完成。

Namo tassa bhagavato arahato sammāsambuddhassa
Khuddakanikāye
Buddhavaṃsapāḷi
　1. Ratanacaṅkamanakaṇḍaṃ
　　1.
　　Brahmā ca lokādhipatī sahampatī sahampati (syā. kaṃ.), katañjalī anadhivaraṃ ayācatha;
　　‘‘Santīdha sattāpparajakkhajātikā, desehi dhammaṃ anukampimaṃ pajaṃ’’.
　　2.
　　Sampannavijjācaraṇassa tādino, jutindharassantimadehadhārino;
　　Tathāgatassappaṭipuggalassa, uppajji kāruññatā sabbasatte.
　　3.
　　‘‘Na hete jānanti sadevamānusā, buddho ayaṃ kīdisako naruttamo;
　　Iddhibalaṃ paññābalañca kīdisaṃ, buddhabalaṃ lokahitassa kīdisaṃ.
　　4.
　　‘‘Na hete jānanti sadevamānusā, buddho ayaṃ edisako naruttamo;
　　Iddhibalaṃ paññābalañca edisaṃ, buddhabalaṃ lokahitassa edisaṃ.
　　5.
　　‘‘Handāhaṃ dassayissāmi, buddhabalamanuttaraṃ;
　　Caṅkamaṃ māpayissāmi, nabhe ratanamaṇḍitaṃ’’.
　　6.
　　Bhummā mahārājikā tāvatiṃsā, yāmā ca devā tusitā ca nimmitā;
　　Paranimmitā yepi ca brahmakāyikā, ānanditā vipulamakaṃsu ghosaṃ.
　　7.
　　Obhāsitā ca pathavī sadevakā, puthū ca lokantarikā asaṃvutā;
　　Tamo ca tibbo vihato tadā ahu, disvāna accherakaṃ pāṭihīraṃ.
　　8.
　　Sadevagandhabbamanussarakkhase, ābhā uḷārā vipulā ajāyatha;
　　Imasmiṃ loke parasmiñcobhayasmiṃ parasmiṃ cūbhaye (syā. kaṃ.), adho ca uddhaṃ tiriyañca vitthataṃ.
　　9.
　　Sattuttamo anadhivaro vināyako, satthā ahū devamanussapūjito;
　　Mahānubhāvo satapuññalakkhaṇo, dassesi accherakaṃ pāṭihīraṃ.
　　10.
　　So yācito devavarena cakkhumā, atthaṃ samekkhitvā tadā naruttamo;
　　Caṅkamaṃ caṅkamaṃ tattha (sī.) māpayi lokanāyako, suniṭṭhitaṃ sabbaratananimmitaṃ.
　　11.
　　Iddhī ca ādesanānusāsanī, tipāṭihīre bhagavā vasī ahu;
　　Caṅkamaṃ māpayi lokanāyako, suniṭṭhitaṃ sabbaratananimmitaṃ.
　　12.
　　Dasasahassīlokadhātuyā, sinerupabbatuttame;
　　Thambheva dassesi paṭipāṭiyā, caṅkame ratanāmaye.
　　13.
　　Dasasahassī atikkamma, caṅkamaṃ māpayī jino;
　　Sabbasoṇṇamayā passe, caṅkame ratanāmaye.
　　14.
　　Tulāsaṅghāṭānuvaggā, sovaṇṇaphalakatthatā;
　　Vedikā sabbasovaṇṇā, dubhato passesu nimmitā.
　　15.
　　Maṇimuttāvālukākiṇṇā, nimmito ratanāmayo;
　　Obhāseti disā sabbā, sataraṃsīva uggato.
　　16.
　　Tasmiṃ caṅkamane dhīro, dvattiṃsavaralakkhaṇo;
　　Virocamāno sambuddho, caṅkame caṅkamī jino.
　　17.
　　Dibbaṃ mandāravaṃ pupphaṃ, padumaṃ pārichattakaṃ;
　　Caṅkamane okiranti, sabbe devā samāgatā.
　　18.
　　Passanti taṃ devasaṅghā, dasasahassī pamoditā;
　　Namassamānā nipatanti, tuṭṭhahaṭṭhā pamoditā.
　　19.
　　Tāvatiṃsā ca yāmā ca, tusitā cāpi devatā;
　　Nimmānaratino devā, ye devā vasavattino;
　　Udaggacittā sumanā, passanti lokanāyakaṃ.
　　20.
　　Sadevagandhabbamanussarakkhasā, nāgā supaṇṇā atha vāpi kinnarā;
　　Passanti taṃ lokahitānukampakaṃ, nabheva accuggatacandamaṇḍalaṃ.
　　21.
　　Ābhassarā subhakiṇhā, vehapphalā akaniṭṭhā ca devatā;
　　Susuddhasukkavatthavasanā, tiṭṭhanti pañjalīkatā.
　　22.
　　Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ;
　　Bhamenti celāni ca ambare tadā, ‘‘aho jino lokahitānukampako.
　　23.
　　‘‘Tuvaṃ satthā ca ketū ca, dhajo yūpo ca pāṇinaṃ;
　　Parāyano patiṭṭhā ca, dīpo ca dvipaduttamo dipaduttamo (sī. syā.).
　　24.
　　‘‘Dasasahassīlokadhātuyā, devatāyo mahiddhikā;
　　Parivāretvā namassanti, tuṭṭhahaṭṭhā pamoditā.
　　25.
　　‘‘Devatā devakaññā ca, pasannā tuṭṭhamānasā;
　　Pañcavaṇṇikapupphehi, pūjayanti narāsabhaṃ.
　　26.
　　‘‘Passanti taṃ devasaṅghā, pasannā tuṭṭhamānasā;
　　Pañcavaṇṇikapupphehi, pūjayanti narāsabhaṃ.
　　27.
　　‘‘Aho acchariyaṃ loke, abbhutaṃ lomahaṃsanaṃ;
　　Na medisaṃ bhūtapubbaṃ, accheraṃ lomahaṃsanaṃ’’.
　　28.
　　Sakasakamhi bhavane, nisīditvāna devatā;
　　Hasanti tā mahāhasitaṃ, disvānaccherakaṃ nabhe.
　　29.
　　Ākāsaṭṭhā ca bhūmaṭṭhā, tiṇapanthanivāsino;
　　Katañjalī namassanti, tuṭṭhahaṭṭhā pamoditā.
　　30.
　　Yepi dīghāyukā nāgā, puññavanto mahiddhikā;
　　Pamoditā namassanti, pūjayanti naruttamaṃ.
　　31.
　　Saṅgītiyo pavattenti, ambare anilañjase;
　　Cammanaddhāni vādenti, disvānaccherakaṃ nabhe.
　　32.
　　Saṅkhā ca paṇavā ceva, athopi ḍiṇḍimā ḍeṇḍimā (sī.) bahū;
　　Antalikkhasmiṃ vajjanti, disvānaccherakaṃ nabhe.
　　33.
　　Abbhuto vata no ajja, uppajji lomahaṃsano;
　　Dhuvamatthasiddhiṃ labhāma, khaṇo no paṭipādito.
　　34.
　　Buddhoti tesaṃ sutvāna, pīti uppajji tāvade;
　　Buddho buddhoti kathayantā, tiṭṭhanti pañjalīkatā.
　　35.
　　Hiṅkārā sādhukārā ca hiṅkāraṃ sādhukārañca (sī. syā.), ukkuṭṭhi sampahaṃsanaṃ sampasādanaṃ (sī.), sampanādanaṃ (syā.);
　　Pajā ca vividhā gagane, vattenti pañjalīkatā.
　　36.
　　Gāyanti seḷenti ca vādayanti ca, bhujāni pothenti ca naccayanti ca;
　　Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ.
　　37.
　　‘‘Yathā tuyhaṃ mahāvīra, pādesu cakkalakkhaṇaṃ;
　　Dhajavajirapaṭākā, vaḍḍhamānaṅkusācitaṃ.
　　38.
　　‘‘Rūpe sīle samādhimhi, paññāya ca asādiso;
　　Vimuttiyā asamasamo, dhammacakkappavattane.
　　39.
　　‘‘Dasanāgabalaṃ kāye, tuyhaṃ pākatikaṃ balaṃ;
　　Iddhibalena asamo, dhammacakkappavattane.
　　40.
　　‘‘Evaṃ sabbaguṇūpetaṃ, sabbaṅgasamupāgataṃ;
　　Mahāmuniṃ kāruṇikaṃ, lokanāthaṃ namassatha.
　　41.
　　‘‘Abhivādanaṃ thomanañca, vandanañca pasaṃsanaṃ;
　　Namassanañca pūjañca, sabbaṃ arahasī tuvaṃ.
　　42.
　　‘‘Ye keci loke vandaneyyā, vandanaṃ arahanti ye;
　　Sabbaseṭṭho mahāvīra, sadiso te na vijjati.
　　43.
　　‘‘Sāriputto mahāpañño, samādhijjhānakovido;
　　Gijjhakūṭe ṭhitoyeva, passati lokanāyakaṃ.
　　44.
　　‘‘Suphullaṃ sālarājaṃva, candaṃva gagane yathā;
　　Majjhanhikeva majjhantikeva (sabbattha) sūriyaṃ, olokesi narāsabhaṃ.
　　45.
　　‘‘Jalantaṃ dīparukkhaṃva, taruṇasūriyaṃva uggataṃ;
　　Byāmappabhānurañjitaṃ, dhīraṃ passati lokanāyakaṃ.
　　46.
　　‘‘Pañcannaṃ bhikkhusatānaṃ, katakiccāna tādinaṃ;
　　Khīṇāsavānaṃ vimalānaṃ, khaṇena sannipātayi.
　　47.
　　‘‘Lokappasādanaṃ nāma, pāṭihīraṃ nidassayi;
　　Amhepi tattha gantvāna, vandissāma mayaṃ jinaṃ.
　　48.
　　‘‘Etha sabbe gamissāma, pucchissāma mayaṃ jinaṃ;
　　Kaṅkhaṃ vinodayissāma, passitvā lokanāyakaṃ’’.
　　49.
　　Sādhūti te paṭissutvā, nipakā saṃvutindriyā;
　　Pattacīvaramādāya, taramānā upāgamuṃ.
　　50.
　　Khīṇāsavehi vimalehi, dantehi uttame dame;
　　Sāriputto mahāpañño, iddhiyā upasaṅkami.
　　51.
　　Tehi bhikkhūhi parivuto, sāriputto mahāgaṇī;
　　Laḷanto devova gagane, iddhiyā upasaṅkami.
　　52.
　　Ukkāsitañca khipitaṃ ukkāsitañca khipitañca (syā. aṭṭha.), ajjhupekkhiya subbatā;
　　Sagāravā sappatissā, sambuddhaṃ upasaṅkamuṃ.
　　53.
　　Upasaṅkamitvā passanti, sayambhuṃ lokanāyakaṃ;
　　Nabhe accuggataṃ dhīraṃ, candaṃva gagane yathā.
　　54.
　　Jalantaṃ dīparukkhaṃva, vijjuṃva gagane yathā;
　　Majjhanhikeva sūriyaṃ, passanti lokanāyakaṃ.
　　55.
　　Pañcabhikkhusatā sabbe, passanti lokanāyakaṃ;
　　Rahadamiva vippasannaṃ, suphullaṃ padumaṃ yathā.
　　56.
　　Añjaliṃ paggahetvāna, tuṭṭhahaṭṭhā pamoditā;
　　Namassamānā nipatanti, satthuno cakkalakkhaṇe.
　　57.
　　Sāriputto mahāpañño, koraṇḍasamasādiso;
　　Samādhijjhānakusalo, vandate lokanāyakaṃ.
　　58.
　　Gajjitā kālameghova, nīluppalasamasādiso;
　　Iddhibalena asamo, moggallāno mahiddhiko.
　　59.
　　Mahākassapopi ca thero, uttattakanakasannibho;
　　Dhutaguṇe agganikkhitto, thomito satthuvaṇṇito.
　　60.
　　Dibbacakkhūnaṃ yo aggo, anuruddho mahāgaṇī;
　　Ñātiseṭṭho bhagavato, avidūreva tiṭṭhati.
　　61.
　　Āpattianāpattiyā, satekicchāya kovido;
　　Vinaye agganikkhitto, upāli satthuvaṇṇito.
　　62.
　　Sukhumanipuṇatthapaṭividdho, kathikānaṃ pavaro gaṇī;
　　Isi mantāniyā putto, puṇṇo nāmāti vissuto.
　　63.
　　Etesaṃ cittamaññāya, opammakusalo muni;
　　Kaṅkhacchedo mahāvīro, kathesi attano guṇaṃ.
　　64.
　　‘‘Cattāro te asaṅkheyyā, koṭi yesaṃ na nāyati;
　　Sattakāyo ca ākāso, cakkavāḷā canantakā;
　　Buddhañāṇaṃ appameyyaṃ, na sakkā ete vijānituṃ.
　　65.
　　‘‘Kimetaṃ acchariyaṃ loke, yaṃ me iddhivikubbanaṃ;
　　Aññe bahū acchariyā, abbhutā lomahaṃsanā.
　　66.
　　‘‘Yadāhaṃ tusite kāye, santusito nāmahaṃ tadā;
　　Dasasahassī samāgamma, yācanti pañjalī mamaṃ.
　　67.
　　‘‘‘Kālo kho te kālo deva (sī.), kāloyaṃ te (syā. ka.) mahāvīra, uppajja mātukucchiyaṃ;
　　Sadevakaṃ tārayanto, bujjhassu amataṃ padaṃ’.
　　68.
　　‘‘Tusitā kāyā cavitvāna, yadā okkami kucchiyaṃ;
　　Dasasahassīlokadhātu, kampittha dharaṇī tadā.
　　69.
　　‘‘Yadāhaṃ mātukucchito, sampajānova nikkhamiṃ;
　　Sādhukāraṃ pavattenti, dasasahassī pakampatha.
　　70.
　　‘‘Okkantiṃ me samo natthi, jātito abhinikkhame;
　　Sambodhiyaṃ ahaṃ seṭṭho, dhammacakkappavattane.
　　71.
　　‘‘Aho acchariyaṃ loke, buddhānaṃ guṇamahantatā;
　　Dasasahassīlokadhātu, chappakāraṃ pakampatha;
　　Obhāso ca mahā āsi, accheraṃ lomahaṃsanaṃ’’.
　　72.
　　Bhagavā tamhi bhagavā ca tamhi (sī. syā. ka.) samaye, lokajeṭṭho narāsabho;
　　Sadevakaṃ dassayanto, iddhiyā caṅkamī jino.
　　73.
　　Caṅkame caṅkamantova, kathesi lokanāyako;
　　Antarā na nivatteti, catuhatthe caṅkame yathā.
　　74.
　　Sāriputto mahāpañño, samādhijjhānakovido;
　　Paññāya pāramippatto, pucchati lokanāyakaṃ.
　　75.
　　‘‘Kīdiso te mahāvīra, abhinīhāro naruttama;
　　Kamhi kāle tayā dhīra, patthitā bodhimuttamā.
　　76.
　　‘‘Dānaṃ sīlañca nekkhammaṃ, paññāvīriyañca kīdisaṃ;
　　Khantisaccamadhiṭṭhānaṃ, mettupekkhā ca kīdisā.
　　77.
　　‘‘Dasa pāramī tayā dhīra, kīdisī lokanāyaka;
　　Kathaṃ upapāramī puṇṇā, paramatthapāramī kathaṃ’’.
　　78.
　　Tassa puṭṭho viyākāsi, karavīkamadhuragiro;
　　Nibbāpayanto hadayaṃ, hāsayanto sadevakaṃ.
　　79.
　　Atītabuddhānaṃ jinānaṃ desitaṃ, nikīlitaṃ nikīḷitaṃ (ka.) buddhaparamparāgataṃ;
　　Pubbenivāsānugatāya buddhiyā, pakāsayī lokahitaṃ sadevake.
　　80.
　　‘‘Pītipāmojjajananaṃ, sokasallavinodanaṃ;
　　Sabbasampattipaṭilābhaṃ, cittīkatvā suṇātha me.
　　81.
　　‘‘Madanimmadanaṃ sokanudaṃ, saṃsāraparimocanaṃ;
　　Sabbadukkhakkhayaṃ maggaṃ, sakkaccaṃ paṭipajjathā’’ti.
　　Ratanacaṅkamanakaṇḍo niṭṭhito.

註解：
　　